TRIŠETA

0
55
Foto: LMoonlight - Pixabay

TRIŠETA

Iz inata i dišpeta
igraće se sad trišeta
rekli smo i za stol seli
i krenilo nas dobro bome
dok smo slonu ribu jeli
i bumbili žmul bevonde
jer se digod viče dok se igra
pa za garlo da se nojde

Napolitana sve od špada
i tri trice, par lišinih, 
od dinara kaval, kraj od kupa, 
i od deset kortih kraj kantuna
čarnjeni se as baštuna

U kumpanjona smijedu se oči
već kapin
kada hitin asa od baštuna
da zapliva tu po ploči
u njega je provo trica 
i puna gušta da iskoči

Vas san sritan 
i pusti san malo pota
ovi priko stola 
nećedu nan pasat dobro
ostaće i bez kapota

Ne mislim već na ništa
koji lavur koja skula
finili smo sad trišetu
na redu je briškula!

Neven Dužević

Komentiraj

Please enter your comment!
Please enter your name here