Kapelice i žene kaj čekaju da prejde pokora

0
69
Foto: C. K.

Kapelice i žene kaj čekaju da prejde pokora

Saki “pravi” muž kapelicu svoju ima,
Pobožno se v njoj moli
noćima i danima.
 
Ak imate takvoga muža
morate jako pobožne biti
i Bogu se moliti
da čim prije ta pokora prejde
kaj bu mogel z vama biti.
 
Al to more potrajati.
Mogle bi se načekati
jer pokora je pokora,
prvo se se vino v kapelici
popiti mora.
 
Onda treba i doma dojti
makar i na kolenima,
njemu je sve oprošteno,
al kak je ženi doma dok čeka,
“Svevišnjega” to  ne zanima.
 
Pokora je pokora, 
V kapelici se muž
svojemu pajdašu
spovedati mora
i saku brigu treba poškropiti
i treba dobro zebrati
za koji beteg treba koje vino piti.
 
I dok zvono zazvoni v kapelici
si se  moški odjemput
za neki vrag počnu moliti.
 
I neje problem kaj muž mora negda
S pajdašima v kapelicu otijti
Nego kaj z vražje kapelice
Ne zna više vun ziti. 
 
Pitam se kak žena,
kak se s tim čekanjem
da prejde pokora, nositi?
 
Morti bi  trebala koji put v kapelicu otijti
i malo reda napraviti, prebrisati oltare
i kupicu si vina spiti?
 
Pobožnome  
 
 
Danijela Bocak
 
 
 

Komentiraj

Please enter your comment!
Please enter your name here