Nerod 

0
319
Foto: 김 대정 - Pexels
Nerod 
 
Ofira gizdavo z čmelami,
a pomalem i z menom.
Nakitil je šumu celu
Ponudil mi debele,medene
Cvetne grozde za večerjo.
 
Setim se kak  su negda zdavnja
naši stari ,  dok je  tek došlo
 na naš pesek đurđevečki
ovo drevo dračom zvali jer
se kaj je drugačkovo neso rad imali.
 
Al neje se on dal’ sam tak
S peska sterati
Od sakud su mladice krenule terati.
 
Gleč ga denes!
V prolet medi ,v zimi greje
More ak treba i krova na hiži pridržati.
 
I steznicu mi s cvetjem posipavlje
Pa kak mlada do oltara paradno šečem
Iščem srečo,mesto pod soncem,sebe celu
Nikaj drugo nečem.
 
Medi,greje,od mirisa i lepote  srčeko  se smeje,
Kak nerod mi denes diši moja duša.
 
Daša

Komentiraj

Please enter your comment!
Please enter your name here