Peščanka
Jena te ista pesma pri mene.
pak sam se našpranjila
dok v pesek
roke sem rivala,
kaj bi se
prijela i ostala
kak gladica, trepotec
il’ nekakova druga Peščarska trava.
Soza je scurela od bola,
zeprala zavičaja, škatule premečem
žmeko dišem i spominjan se sebom
Kaj sem nafčila kaj več nesem znala.
Kaj da nesem odotod, kak pravi kuferaš
Se dalje pakeram iti i mrmlam vu sebe
Zakaj se za ot krvavi pesek nemrem prijeti?
Zabečim onak kak navek,
malo se cirkuseram, a kak već imam leta
I navčena sem z životom se zbiti,
ftruc mu olje na jogen dolevam:
Nesem peščarska trava!
Pesek sem, krvavi pesek
veter me seli, raznaša
navek bu on v mene
nema toga drača kaj ga more
na mestu zadržati
nema korena f Peščanke
koje je veter ofirant i pajdaš,
Jelik i nerod joča, a
Drava mati…
Peščanka
Pustijna na kraju pota.
Danijela Bocak Daša
